قصه المشوه الصغير (قرن الشيطان)

المشوه الصغير (قرن الشيطان)

الفصل الثانى من القصه

فى بعض الاحيان بتحصلنا مواقف وحوادث مش بتتمحى من ذاكرتنا بسهوله والى حصلى مستحيل يتمحى من ذاكرتى مهما كان عينى سجلت لاحظات صعبه على اى بنى ادم وربنا نجانى منها تراب الزمن عمره ما هيمحى القصه دى حتى من بعد موتى فى ناس هتحكيها موت سكان العماره و طفل يقال انه هوا الى قتلهم وحرق نفسه وهروب واختفاء والد الطفل احداث كتير هفضل فاكرها بالتفصيل مر سنتيين على الواقعه حياتى كانت طبيعيه جدا اتجوزت ليلى وهى خلاص على وشك الولاده هيجيلى ولد والعماره رجعت سكنت بناس جديده واحنا رجعنا البيت تانى وانا خدت شقه فى العماره بس قاعد دلوئتى عند اهلى علشان ليلى واهلها بيصيفو فتره كده الحياه جميله جدا لحد ما فى يوم وانا نايم سمعت صوت صرخه رجت البيت كله صحيت مفزوع من النوم وماما وبابا صحيو وسهيله خرجنا لقينا الناس ملمومه عند شقة الاستاذ عصام الى فى الدور الى تحتينا نزلت علشان اشوف فى ايه لقيت دماء ونبش على الحيطه واظافر الاستاذ عصام متكسره ده غير ان زور الاستاذ عصام خارج لبره وعينه مفتحه منظر يخلى جسمك يتشل دى تانى جريمه فى العماره والابشع من كده بئه ان الاستاذ عصام رقبته مشقوقه بقرن خروف او قرن ماعز قرن لونه اسود محطوت جنب الجثه عليه دم انا قلبى كان هيقف مين الى عمل كده وليه بدأت افكر فى الجريمه القديمه وبدأت افكر فى كريم بس كريم اتحرق لا ده اختفى ممكن يكون رجع مش عارف دماغى متشتته امى انهارت وابويا واقف مصدوم والناس مزهوله من المنظر وخيفه وفجأه واحد من ضمن سكان المنطقه قال هوا الواد الصغير رجع تانى شكله ولا ايه الناس بقت عماله تبص لبعض قولتلو الولد مات هيرجع تانى ازاى قالى هما مش قاله انه اختفى قولتلو لا مات مات مااااااااااات قالى خلاص يا استاذ اهدى طلعت الشقه عندنا ودخلت غرفتى وقعدت افكر الكابوس ده هيرجع تانى ولا ايه او ممكن الراجل اى حد تانى قتله مش لازم كريم يعنى الشرطه جت والاسعاف واول ناس خدو اقولهم طبعا احنا بما اننا الاقدم فى العماره بداء يجيلى حالة احباط قولت لامى انا هروح اقعد عند واحد صحبى يومين كده وهرجع قالتلى روح يابنى ربنا يحميك قولتلها هدومى فين يا ماما قالتلى والله يامحمود انا حتطها كلها فى الغساله معرفش انك هتنزل روح طلعها منها روحت بقلب فى الهدوم الى فى الغساله لقيت غطاء انا شفت الغطاء ده قبل كده ايوه شفته بس فين فين ده الغطاء ده شبه الى كان على وش كر...... كريم ندهت على امى قولتلها الغطاء ده مين الى حطه هنا وبتاع مين قالتلى يابنى معرفش يانهار اسود كريم رجع تانى كريم رجع قالتلى يابنى كريم ايه الى رجع انسى بئه لبست هدومى ونزلت روحت عند واحد صحبى اسمه شادى قعدت معاه وفضلت بئه احكيله يمكن لمه اتكلم معاه ارتاح لمه حكيت لشادى القصه قالى يابنى هوا مش الواد اتحرق قولتلو اه قالى طيب يعنى مات خلاص يا محمود قولتلو مات ايه بقولك اختفى قالى انت مش روحت المستشفى ومشفتش حاجه خالص قولتلو اه بس الجرايد كاتبه انه اختفى قالى انت بتصدق ياعم الصحفيين بيحبو يزودو فى الكلام وبعدين ده موضوع وخلص خلاص يا محمود قولتلو طيب والملايه الى الواد كان ابوه مغطى بيها وشه لقتها فى الغسيل بتاع امى والراجل الى مات زى الى قبله قالى يا سلام وانت عرفت منين انها هى الملايه وبعدين اشمعنى يعنى كريم الى قتل الراجل ممكن الراجل ليه اعداء قولتلو الملايه انا فاكرها مش ناسيها قالى يا عم متخفش تلاقيها ملايه قديمه من عندكم قولتلو مستحيل انسى شكلها قالى خلاص ياعم انا هخدك عند واحد بيفهم فى المواضيع دى هوا صحبى بس تصرفاته غريبه شويه قولتله يا عم مش مشكله بس المهم نلاقى حل شادى قالى خلاص هات الملايه الى الواد كان متغطى بيها وبكره نروح قولتله ماشى سبحان الله كأن التاريخ بيعيد نفسه انا برضه من سنتين روحت لشيخ تصرفاته غريبه ومن سنتين برضه فى راجل اتقتل تانى يوم روحت البيت قولتل لأمى فين الملايه الى كانت فى الغساله قالتلى معرفش سهيله ردت عليه قالتلى الملايه معايه لقيتها مسكه الملايه والملايه كأنها مشحمه وعليها لون اسود كتير قولتلها ايه الى عمل فيها كده هى مش كانت نضيفه قالتلى انا طلعتها من الغساله كده قولتلها انتى تعرفى الملايه دى بتاعت ايه بصتلى وسكتت شويه قالتلى اه عرفه قولتلها بتاعة مين قالتلى كريم يا محمود لاحظت انها وهى بتقول كريم كانت بتجز على سننها وبتشد على اديها قولتلها مالك يا سهيله سهيله كانت بصه فى الارض ومش بترد يا سهيله سهيله حطيت اديها فى صندوق اللعب بتعها القديم وطلعت عروسه العروسه دى انا شفتها قبل كده دى العروسه لعبة كريم ايوه فاكرها حطت اديها تانى وهى اديها جوه الصندوق كنت حاسس انها بتنام عنيها بتقفل وطلعت اديها من الصندوق لكن اديها المره دى مكنش فيها لعبه ده قرن ايوه قرن المعزه الى اتقتل بيه عصام امى قالتلها ايه ده يا سهيله انا شفت المنظر فقدت النطق سهيله فقدت الوعى وامى جريت عليها وكل ده وانا لسه واقف مكانى مش مصدق تفكيرى مكنش فى سهيله تفكيرى كان فى الى فى اديها جبتو منين امى قالتلى انت واقف بتتفرج فوقت من التفكير الى بفكره وجريت على سهيله حاولت افوقها لكن كل الى كانت بتعمله ان اديها بتترعش خدت القرن من اديها بدأت تفتح بؤها جامد وكأن روحها بتتسحب وكان فى دموع بتنزل من عنيها قعدت اقرأ عليها قرأن شدت القرن من ايدى وبدأت تحاول انها تاكل القرن بدأت اقراء قرأن بصوت عالى بدأت سهيله تهدى خالص وامى فضلت تعيط قولتلها اهدى يا ماما مفيش حاجه قالتلى ايه الى حصلها ده قولتلها سهيله بوصيلى القرن ده جبتيه منين قالتلى هوا الى ادهولى قولتلها هوا مين سكتت وقالت ابو كريم قولتلها مين ابراهيم هزت دمغها وقالتلى لا الشيطاااااااااااااااااااان وعنيها برقت جامد زقتنى ومسكت القرن وحتطه فى بؤها وفضلت تاكل فيه كأنه حتت لحمه سهيله بقت عمله زى الحيوان المفترس لحد ما سنتها اتكسرت امى شديته منها وانا فضلت اقرأ برضه قرأن لحد ما فاقت تانى قولت لامى صدقتى صدقتى امى كانت كل الى بتعمله بتعيط ابويا رجع فتح الباب قال مالكم قعدين فى الارض ليه سهيله مالها قولتلو كريم قالى كريم مين قولتلو كريم الى قتل السكان رجع تانى سهيله بتقول انها بتشوف شيطان قال ازاى قولتلو يا بابا زى ما هى بتقول انا مش عارف قولتلها ياسهيله لمه تشوفى الشيطان ده قوليلى يا حببتى بصتلى وضحكت وقالتلى مهوا تحت رجليك يا محمود بصيت تحت رجلى قولتلها فين يا سهيله مفيش حاجه قالتلى هوا شيفك وانا شيفا هوا وانت مش هتشوفه حسيت ان رجلى منمله ولمه بصيت حسيت انى باصص لكريم من غير ما اتكلم خدت القرن والملايه ونزلت ابويا قالى رايح فين قولتلو رايح انقذ سهيله نزلت روحت لشادى ومن عند شادى روحنا لصحبه صحبه طلعنا البيت شادى خبط قولتلو يا شادى هوا الشقه بتعته مضلما ليه قالى هوا كده مبيحبش النور قولتلو ربنا يستر فتحلنا واحد ماسك شمعه فى ايده شادى قاله ازيك يا عاطف رد قال اهو عايش اتفضلو خشو دخلنا قولتلو يا استاذ عاطف بالنسبه للنور انا مش شايف اى حاجه هقعد فين قالى معنديش كراسى اقعدو على الارض قعدنا على الارض بداء يولع شموع كتير المكان نور طبعا عاطف ده مقفل الشبابيك كلها كأنه يعنى لو فتحها هيتحرق ولا حاجه المهم عاطف قال لشادى خير يا شادى شادى قاله الموضوع مع الراجل ده عاطف بصلى قالى ايه مشكلتك طلعت الملاايه والقرن مسك الملاايه وبصلى وقالى ملاية واحد ملبوس مسك القرن وفجأه لقيته عمال ينهج ونفسه كأنه بيتقطع والراجل ايده بدأت تترعش وعينه تحمر قولت لشادى الراجل ماله قالى مش عارف عاطف يا عاطف مالك فضل يقول بصوت خشن قرن الشيطان قرن الشيطان قولتلو قرن الشيطان مين وهوا كل الى بيقولو قرن الشيطان قرن الشيطان لحد ما ساب القرن من ايده وقالى حاول تخلص من الحجات دى قولتلو احرقها يعنى قالى تحرق ايه مبتتحرقش لازم تقدم قربان قولتلو قربان لمين قالى للشيطان ده اقتل اقتل اقتل قولتلو اقتل ايه ياعم انت قال اقتل نفس ترتاح نفسك الشيطان مش هيسيبك قولتلو بس المشكله عند اختى قال مش هيسيب اختك اقتلها قولت لشادى انا غلطان يا شادى انى جيت لواحد مجنون ده انا مفروض ابلغ عنه عاطف قال الايام هتثبتلك انى صح قولت لشادى يالا يا شادى وانا ماشى كنت سامع عاطف بيقول يا حفيظ يا حفيظ قرن شيطان خرجنا رجعت البيت لقيت ابويا قالى كنت فين يا محمود قولتلو كنت عند واحد صحبى قالى اختك حالتها صعبه خالص قولتلو هى فين قالى فى الاوضه بتعتها دخلتلها الغرفه كانت الاوضه ضلمه فتحت النور ملقتهاش الله البنت راحت فين لسه هخرج من الاوضه لقيت خبط تحت السرير بصيت تحت السرير لقيت سهيله قولتلها سهيله انتى بتعملى ايه تحت السرير قالتلى خيفه قولتلها من ايه يا حببتى قالتلى من الى فوق السرير قولتلها مفيش حد قالتلى لا فى قولتلها طيب بوصى انا هطلع اهو و اوريكى طلعت بصيت مفيش حاجه قولتلها بوصى يا سهيله مفيش اهو لكن لحظه انا لمه دخلت مكنش فى العاب على السرير ايه الى جاب الالعاب نزلت تحت السرير قولتلها سهيله انتى كونتى بتلعبى باللعب قالتلى لا ده هوا كريم ............ وفجأه وانا تحت السرير سمعت صوت العروسه بتاعت سهيله شغاله المفروض ان العروسه ليها زرار لمه بتدوس عليه تفضل تغنى تخيلو بئه وانا تحت السرير وسهيله معايه اللعبه تشتغل وتغنى لوحديها فوق السرير طلعت من تحت السرير بالراحه وبرفع دماغى لقيت حاجه متغطيه ومسكه اللعبه وبتلعب بيها لا وكمان ايه اللعبه بتتقطع الى ماسك اللعبه بيقطعها انا لسانى عاجز عن الكلام مديت ايدى علشان اشيل الغطه من عليه لقيت نفسى مره وحده اتسحبت لتحت السرير وعين سهيله اتقلبت وبدأت تصوت وتضحك فى نفس الوقت لا والمصيبه الاكبر انها قالتلى انا زعلان منك يا عمو محمود اظن انا سمعت الجمله دى قبل كده قولتلها فوقى فوقى وهى كل اللى على لسنها انا زعلان منك يا عمو محمود كأنها عمله زى الانسان الالى طلعت من تحت السرير وشدتها قولتلها فوقى فوقى وفضلت اهز فيها لحد ما فاقت بس انا بئه لسه مفوقتش من الصدمه كده كريم رجع على هيئة سهيله ورجع معاه شيطااااااااااااااااااااااااااان كبير..............
الضغط بداء يزيد عليه والموضوع بئه صعب جدا سهيله مبقتش هى سهيله بقت شخصيه تانى خالص تصرفات شخص تانى خالص انا واهلى مش عرفين نعمل ايه
التليفون بتاعى رن كانت مراتى ليلى وقالتلى انها راجعه انهرده قالتلى هوا يا محمود صحيح ان الاستاذ عصام اتقتل قولتلها عرفتى منين قالتلى جارتنا الى قدمنا اتصلت بيه وقالتلى قولتلها اه اتقتل قالتلى ومسكو الى قتله قولتلها لا قالتلى طيب
طبعا انا مراتى من النوع الى بيخاف جدا جدا من اقل حاجه ومكنتش ناوى اقولها علشان عارف انها مش هتعرف تنام وهتفكر بئه ان ممكن الى قتله يقتلنا احنا كمان
وفعلا ليلى رجعت بالسلامه وطبعا طول ماهى قعده عماله تسأل عن الاستاذ عصام الى مات وعلشان اطمنها قولتلها الاستاذ عصام انا سمعت انه قتله مسكوه
قالتلى انت مش قولتلى فى التليفون انهم ممسكهوش قولتلها مهو فى نفس اليوم الى كلمتك فيه اتمسك قالتلى اه طب الحمدلله ...........الساعه 10 كنت بستعد علشان انام بس سمعت حد طالع على السلم لا ده طالع بيدبدب جامد على السلم وحسيت انه قرب من باب الشقه بتعنا ووقف وسمعت صوت خبط والى بيخبط مش بيخبط خبط عادى ده تقريبا بيخبط بأظافره قولت لمه ابص من العين السحريه كده لقيت قرن ايوه القرن الى اتقتل بيه عصام بس القرن مربوط بحبل وفى حد بيشده بيتجر على الارض بس انا مش شايف مين لان الى بيشده تقريبا بيشده من الدور الى فوق انا مش عايز اجازف وافتح الباب بس غصب عنى فتحت الباب لانى سمعت صوت صرخه وواحد بيقول ياسمين لا الحقونى فتحت الباب وجريت على فوق لقيت ايمن الشاب الجديد الى متجوز مراته الى كانت حامل بطنها مشقوقه والدم مغرق الارض انا وقعت فى الارض مكنتش عارف اتحرك ولا اتكلم كل الى عليه باصص بس للجثه والناس اتلمت وبقت تضرب كف على كف وايمن عمال يضرب على راسه من حسرته على مراته وابنه الى مشفش الدنيا ابنه ابنه ليلى لوحدها تحت طلعت اجرى على الشقه تحت عندنا فتحت الباب وجريت على الغرفه بتعتى لقت سهيله فى الاوضه و ليلى نايمه و سهيله فى اديها قرن مليان دم ورسمه بالدم دائره مكتوب جوها حوالى عشر حروف ج ب ي ق ع ص ر ج ت ا ومكتوب 115477 الرقم ده الى انا شفته قبل كده ايام كريم ومكتوب اسامى جوه الدائره لمقفجل جهططيل وتحتيها رموز ورسوم غريبه اوى قولتلها بعصبيه شديده بتعملى ايه قومى من هنا قمت دايس على الديره ومسحتها برجلى وفجأه سهيله بقت تصوت جامد ليلى صحيت ومره واحده لقيت الازاز الى فى الشقه كله اتكسر والنجف بئه يروح وييجى وكأن فى زلزال ليلى جريت عليه وانا بقيت واقف فى حالة ذهول اكتر من الى كنت فيها الناس نزلت من فوق علينا وفضلو يقولو استر يا رب ابويا قالى كلمه غريبه اوى قال هوا ربنا غضبان علينا اوى كده امشى يا محمود من البيت ده خد مراتك وخد سهيله وروحو عند عمك فى الصعيد روح المزرعه بتعتو يمكن تنسو المصايب الى بتحصل دى روح يابنى .......................

تابع الجزء الثانى

تأليف محمد رفعت